15 January 2014

[ia] Hodie nos celebra le Die de Interlingua

de Ferdinand Cesarano

Durante iste die, nos apprecia le bono de iste lingua Interlingua, le qual es le version standardisate del linguas romance.

Interlingua es immediatemente comprendite de omne romanophonos e de totes qui ha jam studiate un lingua romance. In illo son le prototypos del parolas ex linguas romance grande (le italian, le espaniol, le portugese, e le francese) que ha essite trovite per la application de un methodologia rigorosemente scientific.

E le lingua ha le particulas latin que son cognoscite de cata homine qui assisteva al schola in ulle pais occidental. Dunque il ha in Interlingua le musica plen de un lingua romance; e le particulas latin rememora a nos le facto que illo es le version actual del lingua latin.

Vermente, Interlingua era non tanto constructe quanto extracte; illo in un senso ha semper existite in le linguas romance, et era trovate de la organisation IALA (Association International del Lingua Auxiliar) durante le parte final del decade 1940. Le grammatica era publicate in 1951.

Interlingua es facilemente apprensibile proque su creatores sagemente expelleva toto que face difficile le apprension, retenente solmente le characteristicas essential. Per exemplo, le termination plural es applicate solmente al substantivo, non al adjectivos modificante. Et il no existe in Interlingua le genere del substantivo, ni le plure flexiones verbal - il ha in cata tempore verbal solmente un termination.

Il tamen existe un importante characteristica naturalisma: alicun verbos ha un secunde thema. Iste secunde thema appare in le participio perfecte (i.e., le participio passate); e se forma ex iste secunde thema le substantivos et adjectivos derivate.

Il es notabile le analogia ad un pais romanophone en le qual il ha multe variantes local: in un tal pais, totes parla su dialecto local, et anque le norma national. In un maniera analoge, Interlingua es le norma global; illo es le lingua de lo que on nomina "Romania". (Isto nomina non le pais orient-europee, ma le sphera romance.) E le altere linguas romance son le dialectos local de Interlingua.

Dunque io recommenda que apprende Interlingua cata homine qui cognosce (in ulle grado) un lingua romance.

Felice Die de Interlingua!